Komuniteti Shqipëtaro-Kanadez

Mbledhje e Kryesisë së Komunitetit Shqipëtaro - Kanadez

Të Shtunën, më 9 Shkurt, u mblodh Kryesia e re e komunitetit Shqipëtar në Toronto për të zgjedhur Kryetarin e ri dhe ndarjen e detyrave për anëtarët e kryesisë.

Në fillim të mbledhjes z.Sabit Xhemajli i kujtoi kryesisë se nuk duhet harruar që në mbledhjen e kaluar është vendosur të respektohet statuti, pikë për pikë. Si rrjedhim, kujtoi z.Xhemajli, në qoftë se ka anëtarë të tjerë që nuk kanë qenë anëtarë për dy vjet duhet që edhe ata të bëjnë të njëjtin veprim që bënë zotëtijtë javën e kaluar.

Halit Hoxha (Kryetari)

Sipas kësaj, doli se edhe z.Roland Isai nuk kishte qenë anëtarë për dy vitet e fundit; si rrjedhim, ai u largua nga Kryesia e re.

Mbledhja vazhdoi sipas rendit të ditës për zgjedhjen e kryetarit.

Me shumicë vote, kryetar i Komunitetit Shqipëtaro-Kanadez u rizgjodh z. Halit Hoxha.

Detyrat e anëtarëve të tjerë janë:

1 - Halit Hoxha - Kryetari (me prejardhje nga trojet shqipëtare në Maqedoni);

2 – Lulzim Kallaba - Nënkryetar ( me prejardhje nga trojet shqipëtare në Maqedoni);

3 – Sabit Xhemajli - Nënkryetar (me prejardhje nga Kosova);

4 – Nikolla Kavaja - Sekretar ( me prejardhje nga Shqipëria);

5 – Fehmi Beli – Zëvendës sekretar (me preardhje nga Shqipëria);

6 – Behadin Qafleshi – Arkëtar ( me prejardhje nga trojet shqipëtare në Maqedoni);

7 – Bexhet Xhemajli – Ndihmës (me preardhje nga Kosova);

8 – Sadem Hyseni – Ndihmës i përgjithshëm (me preardhje nga trojet shqipëtare në Maqedoni);

9 – Fatmir Doga – Organizator i aktiviteteve kulturore – artistike & informimi (me preardhje nga Shqipëria).

Ne mbledhjen e parë të Kryesisë së re, kryetari i Kryesisë z. Halit Hoxha, hapi problemin e shkeljeve të statutit të Shoqatës. Edhe pse në të kaluarën janë vënë re shkelje të ndryshme të statutit në shumicën e rasteve ato kanë ardhur nga anëtarët e tij për arsye se ata nuk kanë qenë të mirë informuar me rregullat e këtij statuti. Edhe një sërë keqkuptimesh që dëgjohen të fliten lart e poshtë vijnë, në shumicën e rasteve, si rrjedhojë e asaj që bashkësia shqipëtare nuk është e informuar si duhet në lidhje me qëllimin final të kësaj Shoqate. Për këtë qëllim po botojmë të plotë Statutin e Shoqatës së Bashkësisë Shqipëtaro-Kanadeze të Torontos që, pamvarësisht nga gabimet e shumta gramatikore, shpreh qartë karakterin demokratik e kombëtar të kësaj Shoqate.
Fatmir Doga

--------------------------------------------------------------------------------------------------------------------